vo Freestyler

Martin Bommeli

für Freestyler

T-Shirts & Cap

Min Merch bestaht aktuell usme Snapback Cap und T-Shirts. Beides chasch entweder per E-Mail oder im Online-Shop vo Flag Cap bstelle.

D'T-Shirts sind sit Aafang 2017 in Grössi M, L und XL erhältlich. Jedes Shirt chostet CHF 30 und de “Gwünn” flüsst jewiels i die nöchst Kollektion.

S'Logo stellt d'Buechstabe M und B i einere Grafik dar.

Ich setze d'Shirts ide Schwiiz um. Sie werded under Fairtade, ökologieschä und soziale Verantwortig produziert: Fair Wear Foundation, Carbon footprint reduction und Biobaumwolle (GOTS).

Fair Wear Foundation Carbon footprint reduction Global Organic Textile Standards (GOTS) Confidence in Textiles

YouTube Kanal

Sit Aafang 2017 veröffenltich ich 1x pro Woche en Video uf mim YouTube Kanal. Es git #ParkView Videos idene ich Skateparks us de ganze Schwiiz zeige, Inline Skating Videos wo mer mich oder anderi gseht fahre und es git Inline Skating Event Videos wo ich Impressione vo Events zeige bidene ich gsi bin.

D'Videos sölled dezue animiere eusi ville Skateparks ide Schwiiz z'nutze und vilicht au wieder mal uf d'Inline Skates z'stah ;-)

Einigi Zahle us em 2019 (Stand August 2019).

  • Pro Monat lueged im Durchschnitt 22'000 einzelni Persone mini Videos
  • Pro Monat werded im Durchschnitt 34'000 Videoufrüef generiert
  • Insgesammt sind mini Videos über 750'000 mal ufgrüeft worde

Webdesign und Development

Vo 2002 bis 2016 han ich i diverse Agenture gschaffed und unter anderem Websites entwicklet. Es paar Projekt us dere Ziit findsch uf minre alte Website. Aktuell schaff i nüme im Webbusiness und programmier demensprechend au nüme resp. nur na für mis Swisstubers Projekt.

Martin Bommeli

Min Name isch Martin Bommmeli (MB), ha Jahrgang 1985, bin im im schöne Züri-Oberland ufgwachse und wür mich als YouTuber, Content Creator, Local Guide und Inlineskater bezeichnä. Die meiste kenned mi entweder über d'Arbet als Frontend Engineer, vo YouTube, vor Arbet im Rolling Rock Aarau oder us dä Freiziit als Inlineskater.